விதியின் கோட்பாட்டை புரிந்து கொள்ளுங்கள்

விதியின் கோட்பாட்டை புரிந்து கொள்ளுங்கள்

உங்களின் விதிப்படித்தான் இந்த வாழ்க்கை அமைந்துள்ளது.  நீங்கள் வசிக்கும் நாடு, உங்களைச் சுற்றியிருக்கும் மனிதர்கள், உங்களின் சொந்த பந்தங்கள், பேசும் மொழி இப்படி அனைத்தும் விதிப்படியே அமைந்துள்ளது. உங்களின் இந்த வாழ்க்கைச் சூழல் தான் உங்களுக்கு விதிக்கப்பட்டது. இந்தச் சூழ்நிலையை இதே சூழ்நிலையில் அனுபவிப்பது தான் இந்தப் பிறவியில் நீங்கள் ஆற்றக்கூடிய கடமை. 

”இது தான் விதியென்றால் இந்த விதியை நான் மாற்றிக் காட்டுகிறேன்“ என்று  பலப்பலபல நாடுகளுக்குச் சென்று பலப்பல மனிதர்களிடத்தில்  வெவ்வேறான சூழ்நிலையிலும் வாழலாம்.  இதனை உங்களின் முயற்சி என்று கூட எடுத்துக்கொள்ளலாம்.  உங்களின் முயற்சியால் நீங்கள்  உங்களின் சூழ்நிலைகளை மாற்றியமைத்துக்  கொண்டே போகலாம். ஆனால் உங்களைப் பெற்றோர்கள், உங்களின் சகோதர்கள், உங்களின் பிள்ளைகள், உங்களுடைய கொள்ளுத் தாத்தா இப்படி உங்களின் உறவு முறைகளை  எந்த முயற்சியாலும் மாற்றிவிட முடியாது. இது தான் உங்களுக்கு விதிக்கப்பட்ட விதி.

இந்த விதியை அனுபவிப்பதன் மூலம் தான் விதியை மாற்றியமைக்க முடியும். 

தொடரும்....

எழுத்து எனும் வேள்வி - நான் என்னால் புகழடையப் போகிறேன்

எழுத்து எனும் வேள்வி - நான் என்னால் புகழடையப் போகிறேன்

என்னை நான் தான் புகழ் பெறச் செய்ய முடியும். என்னை விட என்மேல் அக்கறையும் நலனும் கொண்டவர்கள் யாருமில்லை.  என்னைப் புகழ்பெறச் செய்ய நான் எடுக்கும் முயற்சி தான் “எழுத்து எனும். வேள்வி“

ஒவ்வொரு நிகழ்வும் நம் மனதில் ஏதோ ஒரு தாக்கத்தை ஏற்படுத்திக் கொண்டே இருக்கிறது. அந்த தாக்கத்தை நாம் பிரதிபலிக்கின்றோம்  சொற்களாக,  செயல்களாக, எண்ணங்களாக அதை நாம் வெளிப்படுத்திக்கொண்டே இருக்கிறோம். நம்மைப் பாதிக்கும் நிகழ்வுகளை நாம் அப்படியே விட்டுவிட்டு சென்று விட்டால் நமக்கு எந்த ஒரு பாதிப்பும் இல்லை. நாம் உண்மையில் மகிழ்ச்சியாகவே இருப்போம். கிட்டத்தட்ட பற்றற்ற நிலை. ஆம். யார் யாருடனே சண்டையிட்டால் நமக்கென்ன. தேர்தலில் யார் வெற்றி பெற்றால் நமக்கென்ன. துணையும். பிள்ளையும் நம் சொல்படி கேட்காவிட்டால் நமக்கென்ன. பயணத்தில் பக்கத்தில் இருப்பவன் யாருடனோ கேட்கத் தகாத வார்த்தைகளை பேசினால் நமக்கென்ன. இப்படி ஏகப்பட்ட நமக்கென்ன என்று இருந்துவிட்டால், உண்மையில் மகிழ்ச்சியாகத்தான் இருக்கும். ஆனால் அதுவா வாழ்க்கை. எதற்காகவோ பிறந்து விட்டோம். யாரையும் தொந்தரவு செய்யாமல் வாழவேண்டுமே தவிர யாருக்கும் உபயோகமில்லாமல் வாழக்கூடாது.

சரி இதற்கும் எழுத்துக்களுக்கும் என்ன தொடர்பு?

தொடர்பு உண்டு. எப்படி? நம்முடைய எண்ணங்கள் நம்மை விட்டு வெளியேற வேண்டும். அப்பொழுது தான் மனம் சுத்தமாகும். படிப்பில் நிறைய மதிப்பெண்கள் பெற வேண்டும் என்ற எண்ணம் படிப்பு என்கிற செயலாக வெளியே வரவேண்டும். பணம் சம்பாதிக்க வேண்டும் என்ற எண்ணம் உழைப்பாக விடா முயற்சியாக வெளியே வர வேண்டும். ஆனால் நம்முடைய, நம்மைவிட, பலமான எதிரியை அழிக்க நாம் என்ன செயலைச் செய்துவிட முடியும்.  நம்மால் ஏற்றுக்கொள்ள முடியாத ஒரு செயலை நமக்குத் தொடர்பில்லாத ஒருவர் செய்யும் பொழுது வரும் உணர்வை நமக்கு துளியளவும் பாதிப்பு ஏற்படாதவாறு எப்படி வெளியேற்ற முடியும்.  அதற்குத்தான் எழுதுங்கள். உங்களின் எண்ணங்களின் வடிகாள் உங்களின் எழுத்து. எண்ணக்குமுரல்களை மனதிலேயே  வைத்திருந்தால் அது ஒரு நாள் வெடித்துச் சிதறி உங்களையும் உங்களைச் சுற்றியுள்ளோரையும் அழிக்கக்கூடும்.  அதை அடுத்தவர்களிடம் கூறினால் அதன் பிரதிபலிப்பு உங்களையே வந்தடையும். நீங்கள் எழுதியதை அடுத்தவர்கள் படித்து பாராட்ட வேண்டுமென்பதல்ல அதன் குறிக்கோள். உங்களின் எழுத்து உங்களுக்கு புகழையும் பொருளையும் தரவேண்டுமெனில்  அதை நிச்சயம் வெளிப்படுத்தியே ஆகவேண்டும். ஆனால் இங்கே எழுதுங்கள் என்பது எதையும் பெறுவதற்காக அல்ல. இருப்பதை இழப்பதற்காக. மனதில் உள்ள தீராத காயங்களை கோபங்களை வெறுப்புகளை இப்படி எதையெல்லாம் இழக்க வேண்டுமோ அதைத் தான் எழுதுங்கள். உங்களை நீங்களே துாய்மைப் படுத்திக்கொள்வதற்காகத் தான் இந்த  வேள்வி.

உங்களுடைய கையெழுத்திற்கும் எண்ணங்களுக்கும் தொடர்பு உண்டு. மகிழ்சியான தருணங்களில் உங்களின் கையெழுத்து மற்ற நாட்களைவிட அழகாக இருக்கும். அதேபோல நீங்கள் அழகாக எழுதினால் உங்களின் எண்ணமும் நிச்சயம்  அழகுறும்.  எப்படி எழுதுவது...
எழுதுவதற்குப் பதில் கணினியிலோ அல்லது செல்போனிலோ டைப் செய்து விட்டால் என்ன என்றால் அது தவறு. இங்கே நீங்கள் எழுதுவது உங்களின் கருத்துக்களை பதிவு செய்ய அல்ல. மிக முக்கியமான ஒன்றை நினைவில் வைத்துக் கொள்ளுங்கள். இங்கே குறிப்பிடப்படும் எழுதுதல் என்னும் செயல் திரும்பி வராத பலனைக் கொடுக்கக்கூடிய செயலாக அமைய வேண்டும்.  விதியை அனுபவித்தல் ஒன்றே விதியை வெல்ல மிகச் சரியான வழி. அதனால் உங்களின் எழுத்தை சோசியல் மீடியாவில் பதிவிட்டு அதிக பின்னுாட்டங்களைப் பெற்று விடலாம் என்று எண்ணி விடாதீர்கள். அதுவல்ல நம் நோக்கம். பின்விளைவுகளைத் தராத செயல் தான் வேண்டும்.  நீங்கள் எழுதியதை நீங்களே திரும்பப் படிக்க வேண்டியதில்லை. எழுதி முடித்தவுடன் கிழித்து எரித்து விட வேண்டியது தான். உடனே கிழிக்க மனமில்லையென்றால் சிறிது காலம் யார் கண்ணிலும் படாமல் பாதுகாத்து பின் அழித்து விட வேண்டும்.

உங்களுடைய இந்த எழுத்தை நீங்கள் பாதுகாத்து வைத்திருந்தால் இயற்கை அதற்குரிய பலனை நிச்சயம் தரும். அந்தப் பலன் நற்பலனா? தீய பலனா? என்பது உங்களின் எண்ணங்களைப் பொருத்தது.  நற்பலனை மட்டும் அனுபவிக்க என்ன செய்யக்கூடாது...

விடைகள் ஒவ்வொன்றாக வரும்.

எழுத்து எனும் வேள்வி

எழுத்து எனும் வேள்வி

எழுதுங்கள். விதியின் எழுத்தை மாற்ற எழுதுங்கள்.

வாழ்க்கையை எளிய முறையில் இனிமையாக அனுபவிக்க எழுதுங்கள். உங்களுடைய எண்ணங்களை எழுதுங்கள். உங்களின் கை எழுத்துக்கு உங்களின் தலையெழுத்தை மாற்றக் கூடிய சக்தி உண்டு. மனதில் உள்ள அழுக்குகள் வெளியேற எழுதுங்கள். மனதில் உள்ள கவலைகள் மறைய எழுதுங்கள்.  யாரிடமும் பேசக் கூசுகின்ற வாரத்தையை அறவே அகற்ற எழுதுங்கள். எழுதுங்கள் எழுதுங்கள் உங்களின் எண்ணங்கள் துாய்மைபெற எழுதுங்கள்.  விதியின் எழுத்தை மாற்ற எழுதுங்கள். விடைகள் தெரியாத வினாக்களை எழுதுங்கள். சொல்ல முடியாத சோகங்களை எழுதுங்கள்.  துடிக்க வைக்கும் வலிகளை எழுதுங்கள்.  யாரிடமும் சொல்லி சந்தோசப்பட முடியாத அற்ப சந்தோசங்களை எழுதுங்கள்.  எழுதுங்கள் எழுதுங்கள் .. மனம் அமைதி பெற எழுதுங்கள்.

இங்கே நீங்கள் எழுதுவது உங்களை புகழ் அடையச் செய்ய அல்ல. உங்களின் எழுத்துக்களை அடுத்தவர்கள் படித்து பாராட்ட அல்ல. எந்த விதமான எதிர்வினையில்லாமல் உங்களின் வினையை அனுபவிக்க எழுதுங்கள்.  விதியை அனுபவித்தல் ஒன்றே விதியை வெல்ல மிகச் சரியான வழி.   உங்களின் எண்ணங்கள் துாய்மையானால் செயல்கள் துாய்மையாகும். உங்களின் செயல்கள் துாய்மையானால் விளைவுகளும் நிச்சயம் நன்மையை மட்டுமே தரும்.
உங்களின் எண்ணங்கள் துாய்மையாக மனம் சுத்தமாக இருக்க வேண்டும். மனம் சுத்தமாக மனதில் அவ்வப்பொழுது எழக்கூடிய கெட்ட எண்ணங்களை அறவே அழித்துவிட வேண்டும்.  அதற்கான ஒரு செயல்தான் எழுதுதல். அதற்காக உங்களின் எழுத்தை சோசியல் மீடியாவில் பதிவிட்டு அதிக பின்னுாட்டங்களைப் பெற்று விடலாம் என்று எண்ணி விடாதீர்கள். அதுவல்ல நம் நோக்கம். பின்விளைவுகளைத் தராத செயல் தான் வேண்டும்.


ஏன் எழுத வேண்டும்? யாருக்காக எழுத வேண்டும்? எப்படி எழுத வேண்டும்? எதையெல்லாம் எழுத வேண்டும்? எழுதுவதால் என்ன பலன்?

இப்படி ஏகப்பட்ட கேள்விகள்  எழும்.    உங்களுக்குள் எழும் அனைத்து கேள்விகளையும் ஒரு வெள்ளைத் தாளில் எழுதி வைத்திருங்கள். விடைகள் ஒவ்வொன்றாக வரும்.

புதியதோர் விதி செய்வோம்

விதிக்கேற்றால் போலத் தான் நம் வினைகள் நடக்கின்றன என்றால் புதிதாக ஒரு விதி உருவாக எது காரணமாக இருக்க முடியும்.  விதியின் பலனைத் தான் நாம் அனுபவிக்கிறோம் என்றால், நமக்கு நடக்கும் செயல்களுக்கும், நாம் நடத்தும் செயல்களுக்கும் விதி தான் காரணம் என்றால், முயற்சியும் முயற்சியின் பலனும் விதி என்றால், கடந்து சென்ற பிறவிகளில்  நாம் செய்த செயல்கள் அனைத்தும் விதிக்குட்பட்டது  என்று தானே பொருள். அப்படி என்றால்  இப்பிறவி உருவாக எது காரணமாக இருக்கும். பிறப்பது,  இருப்பது பின் அழிவது எல்லாம் விதிப்படியே நிகழும் பொழுது மீண்டும் மீண்டும் பிறப்பதற்கு எது காரணமாக அமைகிறது? இப்பிறவிலேயே அனைத்து விதியையும் அனுபவித்து மீண்டும் பிறவாமல் இருப்பதற்கு நாம் என்ன செய்ய வேண்டும்?  

இப்படிப்பட்ட கேள்விகள் அனைவரின் மனதிலும் தோன்றும்.  சுருக்கமாக கேட்டால், ஒரு விதியை அனுபவிக்கும் பொழுது எப்படி புது விதி ஒன்று உருவாகிறது?  என்ற கேள்விக்கான விடையே மேற்கூறிய அனைத்து கேள்விகளுக்குமான விடை. அதை உணர்ந்து கொள்ள முயற்சிப்போம். 

ஒரு சிறு கதை

ஒரு நாள் வானில் ஓர் அதிசய நிகழ்வொன்று நடக்க இருந்தது.  சிறிது நேரம் மட்டுமே காணக்கூடிய அந்த நிகழ்வைப் பார்பதற்கு சிறப்பு ஏற்பாடுகள் செய்யப்பட்டிருந்தன.   100 பேர் மட்டுமே அந்த நிகழ்வை காண முடியும். அதற்கான கட்டணங்களும் விதிமுறைகளும் நிர்ணயிக்கப்பட்டு விட்டன. குறிப்பிட்ட நேரத்திற்கு முன்பே ஆட்கள் வரத்துவங்கிவிட்டனர். அனைவரும் வரிசையில் காத்திருக்கிறார்கள்.  தகுதி உள்ள 100  பேர் மட்டும் அனுமதிக்கப்பட்டுவிட்டனர்.  இறுதியில் ஒருவர் வருகிறார்.  முதலில் அவருக்கு அனுமதி மறுக்கப்படுகிறது.  பின் ஏதோ சில சரிக்கட்டுதல்களுக்குப் பிறகு அனுமதிக்கப்படுகிறார். முதல் 100 பேருக்குள் இருந்து ஒருவர் வெளியேற்றபட்டுகிறார்.  அதிசய நிகழ்வு நடந்து முடிந்து விட்டது. அனைவரும் கண்டு களித்து சென்று விட்டனர்.

முறைப்படி நடந்தும் முதலாமவர்க்கு வாய்ப்பு கிடைக்கவில்லை.  அந்தச் சூழ்நிலைக்கு தகுதியிழந்த ஒருவர் வாய்ப்பைப் பெறுகிறார்.   முதலாமவர் வாய்ப்பு கிடைத்தும் அனுபவிக்கும் பாக்கியம் கிடைக்கவில்லை இது தான் அவருடைய விதி.  அவர் அந்த விதியை அனுபவித்து விட்டார்.  இறுதியில் வந்தவருக்கு அந்த அதிசய அனுபவத்தை காண விதிக்கப்பட்டதால் அவர் விதிப்படி அனுபவித்தார்.  ஆனால் இறுதியில் வந்தவர்  தன் முயற்சியால் தனக்குரிய வாய்ப்பை உருவாக்கி இயற்கை விதியை மீறி விதியை அனுபவித்தார். இந்த வினை தான் ஒரு புதிய விதியை மீண்டும் உருவாக்கிவிடுகிறது.  

அப்படியென்றால், விதியை உருவாக்காத அதேசமயம், விதியை அனுபவிக்கும் வினையை எப்படி நிகழ்த்துவது?

தொடரும்.

வேலையில்லாப் பிரச்சனைகளும் ஜோதிடத் தீர்வுகளும்

தேவைகள் தான் வாழ்க்கையை நிர்ணயம் செய்கின்றன. தேவைகள் ஒருவருக்கொருவர் வித்தியாசப்படுகிறது. அதேபோல அனைவருக்கும் அனைத்து தேவைகளும் எளிதில் நிறைவேறிவிடுவதில்லை. அடிப்படை வாழ்க்கைக்குத் தேவையானவற்றை கூட போராடிப் பெற வேண்டிய நிலையில் கர்ம வினைப் பயன்கள் அமைந்து விடுகின்றன. அவற்றை எப்படி சரிசெய்து வாழ்க்கையை திருப்தியாக வாழப்போகிறோம் என்ற கேள்விக்கு சரியான பதிலை ஜோதிடம் கூறுகிறது. ஜோதிடப் பலன்கள் என்பது எதிர்காலத்தில் நடகக இருப்பதை மட்டும் கூறுவதில்லை. நிகழ்காலத் தேவைகளை நிறைவேற்றவும் உதவுகின்றன.

வாழ்க்கையை வாழ்வதற்கு நிச்சயமாக பணம் என்ற ஒன்று தேவைப்படுகின்றது. பணத்தைச் சேர்ப்பதற்குரிய செயல்கள் தான் தொழில் அல்லது வேலை. குழந்தையாக இருக்கும் வரையில் உண்ணுவதும் உறங்குவதும் தொழிலாக இருக்கும். வளர வளர கல்வி பயில்வதும் ஒரு தொழில் தான். அதற்கு பின்பு பணத்தைத் தேடுவது தான் முழுநேர தொழிலாக இருக்கும். அப்படி வாழ்க்கைக்குத் தேவையான பணத்தைச் சேர்ப்பதற்கு ஒன்று சொந்தமாக தொழில் செய்ய வேண்டும். அல்லது அடுத்தவர்களிடத்தில் சம்பளத்திற்கு வேலை செய்ய வேண்டும். எதுவும் எளிதில் கிடைக்காதபோது ஆனால் அது கண்டிப்பாக தேவைப்படும் போது அதை அடைவதற்குரிய வழியை ஜோதிடம் எடுத்துக் கூறுகிறது. வேலை அல்லது தொழில் பற்றி ஜோதிடம் என்ன கூறுகிறது. ஜோதிடத்தின் மூலம் என்னென்ன கேள்விகளுக்கு விடைகிடைக்கும் என்பதை இனி காணலாம்.

பொதுவாக வாழ்க்கையின் பொருளாதார நிலை.
ஒருசிலர் இருப்பதை வைத்தே திருப்தி காணுவர். ஒருசிலருக்கு எவ்வளவு கிடைத்தாலும் அளவுக்கு அதிகமாக ஆசைப்பட்டு திருப்தியில்லாத சூழ்நிலையிலே காலம் கடத்திவிடுவர். பெரும்பாலோருக்கு வரவுக்கும் செலவுக்குமே சரியாக இருக்கும். இப்படி பொதுவான பொருளாதார நிலையை முதலில் கணித்துக் கொள்ள வேண்டும். அதற்கு 2ம் பாவம் 5ம் பாவம் 11ம் பாவம் துணை நிற்கும்.

பொருள் வரும் சூழ்நிலை.
பணத்தை சேர்பதற்கு பல்வேறு வழிகள் உள்ளன. மூதாதயர் சொத்துக்கள் கிடைக்கலாம். தன்னுடைய சொந்த விடாமுயறசியால் பணம் சேர்க்லாம். மனைவி மூலம் சொத்துக்கள் கிடைக்கப் பெறலாம். அதிர்ஷடம் கிடைக்கப்பெற்று திடீரென பணக்காரராகலாம்.  இன்னும் சிலருக்கு கடன் வாங்கித் தான் பொருள் சேர்க்கக்கூடிய நிலைவரலாம். எந்த வழியில் பணம் வரும் என்பதை ஜோதிடம் எடுத்துக் கூறுகிறது. பணபர ஸ்தானங்கள் எனப்படும் 2, 5, 8 , 11 ஆகிய பாவங்கள் இதனை எடுத்துக் காட்டும்.

பொருள் வரும் காலம்.
பிறக்கும் போதே செல்வந்தராக பிறப்பதும் உண்டு. படிக்கும் போதே பணம் சம்பாதிப்பவர்களும் உண்டு. பலமுறை அனுபவப்பட்டு பின் வெற்றிபெறுவதும் உண்டு. வரும் வாய்ப்புகளை பயன்படுத்தி திடீரென முன்னேற்றம் காண்பவரும் உண்டு. இப்படி எந்த காலம் உகந்தது என்று திசா புத்தி அந்தரங்கள் மூலம் அறியலாம்.

இதைத் தவிர
வேலை (உத்தியோகம் ) - 2, 6, 10 ம் பாவங்கள்
சொந்த உழைப்பு - 2, 10
கூட்டணி மூலம் வியாபாரம் - 2, 7, 10
ஏஜென்சி வியாபாரம்  - 2, 3, 9, 10
அதிர்ஷடம் (சூதாட்டம்) - 2, 10, 5
தருண முதலீடு - 2, 10, 5

இப்படி ஒவ்வொரு பாவத்தின் மூலமும் நமக்கு விதிக்கப்பட்டதை தெரிந்து கொண்டு அதன் மூலம் சரியான கால நேரங்களில் சரியான தொழில் அல்லது வேலையைச் செய்து செல்வ செழிப்புடன் வாழலாம்.

நன்றி.